రచన,స్వరకల్పన&గానం:డా.రాఖీ

బాల్యమా నీకెంత నిర్దయనమ్మా
నన్ను గెంటివేస్తివి ఎందుకమ్మా
పాడుబడె నా మది నమ్మవమ్మా
నీ తీపి జ్ఞాపకాలే నాకు ఊపిరమ్మా

1.అమ్మజోల పాటలు
నాన్న గోరుముద్దలు
సోపతోళ్ళ ఆటపాటలు
ఎన్ని ముద్దుముచ్చటలు
బ్రతికినంత కాలం చెల్లిస్తాను మూల్యమే
అందజేయి మరోసారి నీ ఒడి కైవల్యమే

2.అజ్ఞానమైనా ఆనందమే
సుజ్ఞానమైనా ఆనందమే
నిర్మలమైనదే నీ నెలవు
కల్లాకపటాలకు లేదేతావు
మిడిమిడి జ్ఞానమే మ్రింగుడు పడదు
చేజారిపోయిన సమయం దొరకనే దొరకదు