మౌనం విశ్వ సంగీతం
అనురాగం విశ్వజనీనం
భావానికున్న భాష ఏదీ
అనుభూతికి యానకమేదీ
మనసు నుండి మనసుకి ప్రవహించేలా
కనుల నుండి కనులకు ప్రసరించేలా

1.మాటలెన్ని వస్తేనేమి మూగయై పోతాము
గుండె గుట్టు విప్పలేకా మిన్నకుండి పోతాము
ప్రతిపాదన చేసేవేళా ప్రమాదమే తాత్సారం
హృదయాన్ని తెలిపేలోగా చేజారు పుణ్యకాలం

2.బెట్టుచేయనేల బ్రతుకు నిర్ణయాలకు
పట్టింపులింకేలా ప్రేమ అనునయాలకు
మెట్టొకటి దిగివస్తే మకుటమేది పడిపోదు
జంటగా మనగలిగేందుకు సర్దుబాటే మేలు