రచన,స్వరకల్పన&గానం:డా.రాఖీ

రాగం:మధ్యమావతి

సాయీ నీకు క్షీరాభిషేకం
బాబా నీకు పుష్పాభిషేకం
సద్గురునాథా నీకు గంధాభిషేకం
హే అవదూతా నీకు భస్మాభిషేకం

1.తీయని పలుకుల సాయినీకు తేనెతొ అభిషేకం
రాజాధిరాజ యోగిరాజ గొనుమిదే ఆజ్యాభిషేకం
పంచభూతాత్మకా చేసేము పంచామృతాభిషేకం
సచ్చిదానంద శివరూపా ఇదెనీకు సలిలాభిషేకం

2.చిత్తమునే స్థిరపర్చగ ముత్యాల అభిషేకం
నడవడినే సరిజేయగ పగడాల అభిషేకం
సద్బోధలు రుచిచూపగ రతనాల అభిషేకం
మానవతను మేల్కొలుపగ ఆనంద భాష్పాల అభిషేకం