రచన,స్వరకల్పన&గానం:రాఖీ

రాగం:  యమన్ కళ్యాణి

శివ శివ శివ శివ శివ శివ శివోహం
భావయామి అహరహం త్వమేవాహం
ఉఛ్వాసనిశ్వాసల  నా ఊపిరి ఓంకారం
ప్రాణజ్యోతి నీ పరమే పరమేశ్వరమ్

1.నా గుణత్రయాలూ నీ మూడు నేత్రాలు
 నా ఈ త్రికరణాలు నీకై త్రివిధములౌ మార్గాలు
  నాపంచేంద్రియాలు నీవగు పంచాననాలు
  నా ప్రపంచమంత నీవైన పంచభూతాలు

2.అరిషడ్వర్గాలు కాలాత్మా నీ ఆరుకారులు
ప్రలోభపరచు షడ్రుచులు షడ్విధ నరకాలు
నా సప్త వ్యసనములు సప్త సముద్రాలు
నాలోని నవరసాలు  నవవిధ భక్తులు