రచన,స్వరకల్పన&గానం:డా.రాఖీ

ఉండీలేని నల్లబొట్టు
కనుపాపలొ తేనెబొట్టు
చూపులేమొ బెదిరినట్టు
పెదాలు వదలనట్టు
ఎన్నెన్ని భావాలో జవరాల
తెలుపవెనీ అంతరంగ వివరాల

1.నటనల తింగరిబుచ్చి
సయ్యాటల నంగనాచి
ప్రతిసారీ నీతో ఇదే పేచీ
దరిజేరనీయవే ఓబూచి
నోట్లో వేలెట్టినా కొరకనోణ్ణి
కట్టావే కడకొంగున అమాయకుణ్ణి

2.మంత్రమేదొ వేసేసీ
చేయాల్సిందంతా చేసేసి
నా  మనసునే దోచేసి
నవ్వబోకు పిచ్చోణ్ణి చేసి
నట్టేట నను ముంచబోకే
ఉత్తుత్తిప్రేమలు పంచబోకే

PIC capture courtesy:TIKTOK