రచన,స్వరకల్పన&గానం:డా.రాఖీ
ఏ శిల్పి చెక్కినాడో
బ్రహ్మనే మలిచాడో
అంగాంగ సౌష్ఠవం చొంగకారేలా
దేహసోయగం కనినంత గుండె జారేలా
1.పాలరాయిని వాడాడో
పాలకడలిన ముంచాడో
వెన్నెలనే లేపనంగా ఒళ్ళంతా పూసాడో
మల్లెలనే బతిమాలి తనువుకే అద్దాడో
వంపుసొంపులెంతగానో ఇంపాయెగా
వన్నెచిన్నెలెన్నెన్నో అన్నీ సమకూరెగా
2.జఢుడైన చెలరేగేను
యతికైన మతిపోయేను
యవ్వనం వనమల్లే పచ్చగా విరిసింది
పరిమళం మనసంతా ఆక్రమించింది
విరహోత్కంఠితయై స్వాగతించగా
జన్మయే తరించదా సంగమించగా
No comments:
Post a Comment