గాజు కన్నా పారదర్శకం
గంగ కన్నా పరమ పునీతం
వజ్రాన్ని మించిన దృఢతరం
మన స్నేహితం అది శాశ్వతం

1.అశించుటకేమి లేనిది
పంచుకొనగ ఎంతో ఉన్నది
ఎద గానం కోరుకున్నది
మన మైత్రి అన్నది చితిదాటనున్నది

2.ప్రణాళికతొ సాధ్యపడనిది
అనూహ్యంగ ప్రాప్తమైనది
నిర్వచించ వీలుకానిది
మనదైన చెలిమి అదే మనకు కలిమి

3.కృతజ్ఞతను కాంక్షించనిది
మన్నింపును వాంఛించనిది
అభ్యర్థనలే అపేక్షించనిది
మన సౌరభం సదా సులభం