రచన,స్వరకల్పన&గానం:డా.రాఖీ

ప్రేమ మీర నను స్పృశించగా
నీ చేతి స్మార్ట్ ఫోనైనా కాకపోతి
నా హృదయ ధ్వనినే వినిపించగా
నువు వాడే హెడ్ ఫోనైనా అవకపోతి
వస్తువుకున్న విలువ ఆప్తులకూ కరువాయే
వాస్తవికత నొదిలివేయ మిథ్యా బ్రతుకాయే

1.చేదబావే లేక బోర్వెల్ కరెంటు బిచ్చమాయె
  వీచు గాలినోచక సీలింగ్ ఫ్యాన్లే దిక్కాయే
  సహజవనరులన్నీ తత్వాలను కోల్పోయే
  యాంత్రికత గుప్పిట ప్రకృతి  నీరుగారిపోయె
  వస్తువుకున్న విలువ ఆప్తులకూ కరువాయే
  వాస్తవికత నొదిలివేయ మిథ్యా బ్రతుకాయే

2.మనిషి మనిషి మధ్యలో అంతర్జాలమాయే
కాలక్రమేణా ఎన్నో పనిముట్లే మాయమాయే
అనుబంధం ఆత్మీయత మొక్కుబడిగ మారెనాయె
సాంప్రదాయమంటేనే పురావస్తు శిథిలమాయే
వస్తువుకున్న విలువ ఆప్తులకూ కరువాయే
వాస్తవికత నొదిలివేయ మిథ్యా బ్రతుకాయే