రచన,స్వరకల్పన&గానం:డా.రాఖీ

పిడికెడు మెతుకుల కోసమని
రెక్కల కష్టం నమ్ముకొని
ఒకరికి చేయి సాచకూడదని
ఎవరి పంచనో చేర బోమని
చిరువ్యాపారం చేసుకొని బ్రతికే అభాగ్యులెందరో
బేరసారాలు చూసుకొని జీవించే వ్యథార్థులెందరో

1.బుట్టెడు ఫలాలు మోసుకొని-తట్టెడు పండ్లే అమ్ముకొని
పొద్దంతా శ్రమకోర్చి వచ్చినదానితొ తృప్తి పడి
నిజాయితీగా నడుచుకొని బ్రతికే అభాగ్యులెందరో
ఎండావానల వీథిన బడుతూ జీవించే వ్యథార్థులెందరో

2.గీచిగీచి బేరమాడే గిరాకినైనా వదల లేక
ఆచితూచి చిల్లర కోరే పినాసినైనావెళ్ళగొట్టక
గిట్టుబాటే గిట్టకున్నా ఏదో ధరకు విక్రయించే అభాగ్యులెందరో
మామ్మూళ్ళెన్నో ఇచ్చుకొని గిరిగిరి వడ్డీ కట్టుకొనే వ్యథార్థులెందరో