రచన,స్వరకల్పన&గానం:డా.రాఖీ

బొమ్మ ఏకాంతం బొరుసే ఒంటరితనం
ద్వంద్వకోణాలున్నదే అద్వైతమనే నాణెం
సాహసమే ఒక్కమాటలో వేదాంతాన్ని నిర్వచించడం
కొదవేలేని తెగువే ఒక పాటలో యోగవాశిస్టం బోధించడం

1.కమలం దైవం భ్రమరం నేనై
పరిభ్రమించే పరిక్రియా విశేషంలో
తపించి రమించి తరించగా
త్వమేవాహమై ఉదయింతుగా

2.యోగ సాధనే తగు మార్గంకాగా
రుచులారు ఋతువులారు వైరులార్గుని జయించి
షడ్చచక్రాలనధిగమించి సహస్రారాన్ని ఛేదించగా
లయమై అక్షరమైన కైవల్యమందుగా

3.ఒక నేనను నేనే ఇల అన్నినేనులై
భావించే ఆత్మజ్ఞాన శోధనలో
కర్తా కర్మా క్రియా నేనైన తరుణాన
విశ్వం సహా సోహమై భాసింతుగా