రచన,స్వరకల్పన&గానం:డా.రాఖీ

నేస్తమా నేస్తమా నీకిదే శుభరాత్రి
కొనసాగనీ కలకాలమిక మన మైత్రి
చికాకులే కాకులై అరచి గీపెట్టాయేమో
లోకులతో వేగలేకా అలసి పోయావేమో
ముంచుకొచ్చే నిద్రనే ఆదరించినావా
కమ్మనైన కలల నావా ఎక్కేసినావా

1.కనుపాపలు ఊయలలూపగ
కనురెప్పలు నిను జోకొట్టగ
వేధించే వేదనలే వదిలించుకొంటూ
సాధించే వత్తిడులే తొలగించుకొంటూ
తీరని నీ ఆరాటాలు మానుకొనినావ
కమ్మనైన కలల నావా ఎక్కేసినావా

2.పీడకలలు రాకూడదనీ
నిద్రాభంగం కలగకూడదని
ముక్కోటి దేవుళ్ళ వేడుకొంటూ
మధురస్మృతులు నెమరేసుకొంటూ
కమ్మనైన కలల నావా ఎక్కేసినావా
ఆనందాల దీవులనే చేరుకొన్నావా