రచన,స్వరకల్పన&గానం:డా.రాఖీ

కవితలు మారవు అనుభూతులు వీడవు
కన్నీటి ధారాపాతానా గుండెమంటలారవు
పదాలూ తప్పవు పెదాలూ నవ్వవు
జ్ఞాపకాల గోదావరిలో అలజడులు ఆగవు

1.వదులుకోలేని వాక్యాల గోల
కలచివేసేటి అనుభవాల కీల
ఒడవని పురాణమే మన ప్రేమాయణం
రావణకాష్ఠమే మన విషాద కథనం

2.ఎక్కడ మొదలైనా ఒకటే మలుపు
తప్పుఎవరిదైనా కారణం మన వలపు
కరువైపోయింది ప్రేమగొలుపు నీపిలుపు
కడహీనమయ్యింది దినదినం నా బ్రతుకు