రచన,స్వరకల్పన&గానం:డా.రాఖీ
తేనెల నదిలో తానమాడుతున్నా
మంజులస్వనిలో పరవశించిపోతున్నా
ఆనందపు క్షణాలలో మేను మరచిపోతున్నా
నన్ను నేను చదువుకుంటూ సేదతీరుతున్నా
ఇంతకన్న ఏంకావాలి నేస్తం
స్నేహానికి నీవె సరియగు అర్థం
1.ఎడారిలో పిపాసికి సరస్సు మైత్రి
తపననెరిగి తీర్చేను దాహార్తి
బహుదూరపు బాటసారికి బాసట దోస్తీ
చితిని చేరేవరకూ పరస్పరం అనురక్తి
ఇంతకన్న ఏంకావాలి నేస్తం
స్నేహానికి నీవె సరియగు అర్థం
2.సజీవంగ కనిపించే అద్దం స్నేహితం
తీర్చిదిద్దుకోగలిగే అపురూప సాధనం
తప్పుదోవ తప్పించే దిక్సూచి సోపతి
ఆపతిలో తోడుండే నీడే సహవసతి
ఇంతకన్న ఏంకావాలి నేస్తం
స్నేహానికి నీవె సరియగు అర్థం
No comments:
Post a Comment