రచన,స్వరకల్పన&గానం:డా రాఖీ

రాగం:శివరంజని

జ్ఞాపకాలే మధురంమధురం

తీపైతే కల వరం చేదైతే కలవరం

అలనాటి చిననాటి ఆ జీవనం

ఇరుకైనా సంబరం కొఱతైనా నిబ్బరం

1.ఎవరికైనా బాల్యం అమూల్యం

అనుభూతులైతే సర్వం అపూర్వం

ఆ ఆటపాటలు ఆ బడి పాఠాలు

చిన్నారి స్నేహాలు చిరకాల మోహాలు

ఉమ్మడిగా కొనాసాగే బంగారు కుటుంబాలు

2.పండగలు పబ్బాలు ఏటా జాతరలు

పెండ్లీ పేరంటాలు ఊరంతా సందళ్ళు

వారాంతపు సంతలో సరకుల కొనుగోళ్ళు

బంధుమిత్ర బృందాలతొ కళలొలికే లోగిళ్ళు

అనుబంధం ఆప్యాయత చెరగని ఆనవాళ్ళు

3.వేసవి సెలవులకు తాతగార్ల ఊళ్ళకి

సరదా గొడవలే బావలు మరదళ్ళకి

అమ్మమ్మలు కొసరిపెట్టు పెరుగు మీగడలు

ఆరుబయట పడకలు మోచేతులె తలగడలు

కన్నీళ్ళు చిప్పిల్లిగ పొలిమేరలొ వీడుకోళ్ళు

FOR AUDIO: PING me in whatsapp 9491042010