రచన,స్వరకల్పన&గానం:డా.రాఖీ

సాగిపోతుందిలే ఈ సమయం

గడిచిపోతుంది ఈ సందర్భం

ఆగిపోతుందీ ఘోర సంపాతం

మానిపోతుందీ తీవ్ర సంఘాతం

1.దాటలేద గతమందు ఒడిదుడుకులు ఎన్నెన్నో

అధిగమించలేదా నాడూ గడ్డుసమస్యలేవేవో

ఉండిపోదు కాళరాత్రి ఉషోదయం తథ్యం

శిశిరమే సుస్థిరమా ఏతెంచు నవ వసంతం

2.రెప్పపాటె కాదా కడుగొప్పదైన జీవితం

అందరికీ అవసరమే అనుష్ఠాన వేదాంతం

కాల గతికి మనం అవ్వాలి సాక్షీభూతం

జగన్నాటకంలో మన నటనం పాత్రోచితం