రచన,స్వరకల్పన&గానం:డా.రాఖీ
నీ తలపుల లహరిలో తానమాడనీ
నీ మురళీరవములో మునిగితేలనీ
మోసితివట గోవర్ధన పర్వతం
భరించగా నీతరమా నాఎదభారం
మోహనకృష్ణా వంశీకృష్ణా రాధాకృష్ణా
1.నా మనమే యమునాతీరం
నేనుకనే స్వప్నమే బృందావనం
ఉఛ్వాసనిశ్వాస మలయసమీరం
సదానేను సిద్ధమే ఏల తాత్సారం
నీకృపతో ఏదైనా సులభసాధ్యం
మోహనకృష్ణా వంశీకృష్ణా రాధాకృష్ణా
2.నా స్వేదమే నీకు కస్తూరి పన్నీరు
నా అధరాలు నీకు వెన్నా జున్నులు
పయోధరాలు నీకు పాలకుండలు
హస్తయుగళమే నీగళమున పూలదండలు
రమించరా విరమించక యుగయుగాలు
మోహనకృష్ణా వంశీకృష్ణా రాధాకృష్ణా
No comments:
Post a Comment