రచన,స్వరకల్పన&గానం:డా.రాఖీ
వరదలు వరదలు వరదలుఊరంతా వరదలు
వరదలు వరదలు వరదలువాడంతా వరదలు
వరదలు వరదలు వరదలుఇవి కన్నీటి వరదలు
వరదలు వరదలు వరదలు ఎనలేని కష్టాల వరదలు
1.కోరికోరి కొనుక్కున్న ఖరీదైన వరదలు
ఏరికోరి చెఱువుపక్క ఎంచుకున్న వరదలు
ఎడాపెడా అనుమతులతొ లంచాల వరదలు
కుదేలైపోగా బజారుపాలైన బ్రతుకుల వరదలు
2.తామే అమ్ముడై ఎన్నుకున్న ఓట్ల వరదలు
ఏమాత్రమైన నెరవేర్చని నేతల వాగ్దాన వరదలు
గృహనిర్మాణ రంగాన ఇబ్బడి ముబ్బడి డబ్బుల వరదలు
నాలాలూ శిఖముల దురాక్రమణల వరదలు
3.ముందుచూపు కొఱవడిన నిర్లక్ష్యాల వరదలు
తెలిసీగోతిలొ పడే మధ్యతరగతి వరదలు
గతిలేక తలదాచే పేదల గూడుల వరదలు
అతలాకుతలమయే నగరాల పదేపదే వరదలు
4.చుట్టూ నీళ్ళున్నా తీర్చని దాహపు వరదలు
కాలకృత్యాలకై నోచవీలవలేని వరదలు
పసివాళ్ళు ముదుసళ్ళు రోగుల వెతల వరదలు
అన్నీ ఉండీ అనాథలుగ మార్చే వికృత వరదలు
No comments:
Post a Comment