రచన,స్వరకల్పన&గానం:డా.రాఖీ
మురిపించులే నెమలి పింఛము
మైమరపించులే నీ మురళి గానము
స్ఫురణకు రాగానే తనువే పరవశము
స్పృశించ రసానుభూతికై నామానసము
స్పృశించర సానుభూతికైనా మానసము
1.జీవము నీవైన దేహము నేను
భావము నీవైన మోహము నేను
విరహించితి విరమించితి నీకై ఇలను
భ్రమించితి రమించితి నాలో నేను
స్పృశించ రసానుభూతికై నామానసము
స్పృశించర సానుభూతికైనా మానసము
2.అన్నిట నినుజూచి నన్నే మరచి
సన్నుతి జేసితి మన్నన యాచించి
వెన్నల కన్నెల తిన్నగ వలచీ
వెన్నెల వేళల నన్నేల కలచీ
స్పృశించ రసానుభూతికై నామానసము
స్పృశించర సానుభూతికైనా మానసము
No comments:
Post a Comment