రచన,స్వరకల్పన&గానం:డా.రాఖీ
దినదిన గండమే నీ కడుపుకు మెతుకు
చిరుగని గుడ్డకైన నోచలేదు నీ బ్రతుకు
తలదాచుకోనులేదు-నీకంటూ ఓ చోటు
సర్కారు ఇండ్లకు ఏమొచ్చొనొ గ్రహపాటు
అత్యంత విలువైంది నీకుంది నీదైన ఓటు
తరుణమిదే ఓటుతొ నీ మనస్సునే చాటు
1)నీ ఉనికికి గుర్తింపే దేశాన నీ ఓటు
ఓటు వేయబోకుంటె నీకునీవె చేటు
గీతోపదేశమిదని ఓటువెయ్యి నరుడా
ఆత్మోపదేశానికె ఓటువెయ్యి పౌరుడా
వదులుకోకు అవకాశం ఏ పూట ఓటువేయగా
చే జార్చుకోకు అధికారం నే తలరాత మార్చిరాయగా
2)కులపు గజ్జి సంకనెపుడు నాకబోకు
మతపు కుళ్ళు ప్రభావాన్కి లోనుకాకు
ఉమ్మేసిన బిర్యాని మద్యానికి సొల్లకార్చకు
ఒక్కనాటి బాగోతాన్కి బట్టలిప్పి ఆడకు
నిన్ను నువ్వు అమ్ముకోకు ఎన్నికల అంగట్లో
నీకు నీవె కొట్టుకోకు ఐదేళ్ళు మట్టి నీ నోట్లో
No comments:
Post a Comment