రచన,స్వరకల్పన&గానం:డా.రాఖీ

ఇల్లేమో ఇరకటం ఇల్లాలో మరకటం

జీవితాంతం మగనికెంత ఎంత సంకటం

తప్పదు తల ఒగ్గటం ఎప్పుడూ ఆమే నెగ్గటం

మెడకు పడ్డ డోలును విధిలేకే మోయటం

1.పదిమందిలొ నాటకం అన్యోన్యపు కాపురం

నాలుగు గోడల మధ్యన సంసారం సాగరం

పట్టలేని విడవలేని వింతగు పితలాటకం

గుట్టుగ నెట్టుక రావడమే మగవాడికి నరకం

2. మహిమ మాట వట్టిదే మనువు మంత్రాలకు

మనసెలా ఉంటుంది మొండిఘటపు యంత్రాలకు

కీచులాటలన్నీ సద్దుమణగాలి  సాయంత్రాలకు

సరే యనక కుదరదు దాంపత్యపు తంత్రాలకు