నీ కడ లేకనే ఇవ్వలేదో
నాకివ్వాలనిలేకనే ఇవ్వలేదో
నీ పోకడ అర్థమే కాదెవరికీ
బ్రతుకును చేయకు చేదెవరికి
దయచేయుమా సాయిరామా
వేంచేయిమా నా హృదయ సీమ
1.నవ్వులనే ఎత్తుకెళ్ళావు సాయిబాబా
పువ్వులనే నలుపుచుందువు నీకిది సబబా
కవ్వముమై చిలుకుమయ్య నా మదిని
తొవ్వలైతే తప్పనీకు చేరగ నీ సన్నధిని
దయచేయుమా సాయిరామా
వేంచేయిమా నా హృదయ సీమ
2.పక్షపాతముందేమో నీకు సాయిబాబా
లక్ష్యపెట్టవెందుకు మరి నన్ను భక్త సులభా
నిను నమ్మితె వమ్ముకాదు ఇది జనవాక్కు
నిను వదలను వరమీయగ అదినా జన్మహక్కు
దయచేయుమా సాయిరామా
వేంచేయిమా నా హృదయ సీమ
No comments:
Post a Comment