OK

 రచన,స్వరకల్పన&గానం:డా.రాఖీ

అందమైన పాదాలు అతివకు అదనపు మవ్వం

ఆ పాదాలకు మంజీరాలే మరి మరి వైభవం

మంజీరాలకు మంజులనాదం కూర్చేను నవజీవం

మంజులనాదమె ఎదలో రేపును ప్రణయభావం

1.తీర్చి దిద్దిన పారాణి పదముల సొబగు

పారాణి అరుణీమయే ముచ్చట గొలుపు

అరుణిమ బుగ్గల సిగ్గుగ మారి పెంచును సొంపు

సిగ్గులొలికే ముద్దరాలే అయస్కాంతమై ఆకర్షించు

2.గోరింటాకే చరణాలకు ఎంతటి ఇంపు

చరణాల చిత్రించిన చిత్రాలే సొగసుకు పెంపు

చిత్రంగా కోమలి పావర ముద్దాడాలనిపించు

కోమలి కోమల అడుగులకు మడుగులొత్తాలనిపించు