రచన,స్వరకల్పన&గానం:డా.రాఖీ
తరించాయి రవికిరణాలు నిన్ను తాకి తాకగానే
హసించాయి చిరుపవనాలు నీ మేను సోకగానే
ప్రత్యూషవేళలో ప్రత్యక్షమైనావు
నే రాసే కవనాక్షరం నీవే నీవే ఐనావు
జాదూ ఏదొ ఉన్నది నీలో జవరాల
జాజిపూల నవ్వులు నాపై చల్లరాదా
1.నీలో ఉన్న గమ్మతేదో నన్ను చిత్తు చేస్తోంది
చిత్రమైన మత్తేదో నన్ను కమ్మివేస్తోంది
నిన్ను ఉపాసించడమే ఏకైక నా లక్ష్యం
ఎప్పటికి కలిగించేవో నా ప్రేమకు మోక్షం
జాదూ ఏదొ ఉన్నది నీలో జవరాల
జాజిపూల నవ్వులు నాపై చల్లరాదా
2.రామప్ప నాగిని శిల్పం నీ ముందు అత్యల్పం
రవివర్మ మోహిని రూపం నీకంటే ఏదో లోపం
నీ రాణ ఆరాధనే నాదైన కర్తవ్యం
దినదినం నీ నెయ్యం నవ్యాతి నవ్యం
జాదూ ఏదొ ఉన్నది నీలో జవరాల
జాజిపూల నవ్వులు నాపై చల్లరాదా
No comments:
Post a Comment