రచన,స్వరకల్పన&గానం:డా.రాఖీ
మధుర స్వప్నాల తో శుభరాత్రి
నిద్ర చెడగొడుతుందేమో నీ మైత్రి
మూతబడే రెప్పలతో చెప్పరాని తిప్పలు
ముసిరే నీతలపులతో కునుకునకు యాతనలు
1.వ్యసనంగా చేరావు వదలుకోనట్లుగా
అశనంగా మారావు ఆకలే తీర్చునట్లుగా
నా ప్రపంచమంతా కేవలం నీవైనావు
ఆత్మీయ నేస్తంగా ఎదనాక్రమించావు
2.నీ మంజుల గాత్రంలో పరిమళాలెన్నో
నీ నవ్వుల సవ్వడిలో సంగీతాలెన్నెన్నో
నీ సావాసంలో అనునయాల నవనీతాలు
నీ చెలిమి నాలోనా నింపె మొండిధైర్యాలు
No comments:
Post a Comment