రచన.స్వరకల్పన&గానం:డా.రాఖీ

ఎందుకో ఆ మౌనం, ఏమిటో నీ ధ్యానం

మూగభావనేదో నన్ను చేరకుంది

ఎద నివేదనేదో అంతుపట్టకుంది

దాటేసి వెళ్ళవు చాటైతే కానేకావు

ఏమిటో అంతరార్థం ఎరుగనైతి పరమార్థం

1.గాలికి మబ్బుతొ స్పర్శనే ఒక భాష

భువికి రవి ప్రదక్షణే ప్రేమ వంతెన

కడలి ఖంబులకు దిక్చక్రం అలంబన

చినుకు కిరణ ప్రణయానికి హరివిల్లే వారధి

ఎరుగవా ఈ మాత్రం ప్రకృతిగత వలపు సూత్రం

2.మునులను మించిపోయె నీ తపోదీక్ష

శిలా శిల్పమై తెలుపును మనస్సమీక్ష

బ్రద్దలైపోతుంది నిశ్శబ్ధ అగ్ని పర్వతమైనా

అగాధాలు అధిగమించు జలధి బడబానలమైనా

గ్రహించవా నిగ్రహించ వీలవనిది  అనురాగం