https://youtu.be/iqN_YnqggJc

రచన,స్వరకల్పన&గానం:డా.రాఖీ

(ప్రేమికుల చుంబన దినోత్సవం నేడు-శుభాకాంక్షలతో-డా.రాఖీ)

ముద్ద ముద్దగా ముద్దంటావు

పెట్టుకోబోతే వద్దంటావు

హద్దులేన్నో గీస్తావు

పద్దులేవో  రాస్తావు

ముద్దరాలా నీతో ఎట్లా వేగేది

సుద్దులెన్నని ఎదలో దాచేది

1.తీరానికి నిరంతరం అలల ముద్దులు

మేఘానికి అనవరతం తెమ్మెర ముద్దులు

నింగీ నేల నడుమన   చినుకుల ముద్దులు

శశికీ కలువకు మధ్యన వెన్నెల ముద్దులు

ఏ పొద్దూ రద్దుకావు ప్రకృతి పంచ బంధాలు

2.పిచ్చుకకు పిచ్చుకకు నులి వెచ్చని ముద్దులు

పికమునకు చివురులకు సరిగమ ముద్దులు

చిలుకా గోరింకల కలలౌ అమలిన ముద్దులు

క్రౌంచ మిథున మథన సదన సరస ముద్దులు

ఏ పొద్దూ రద్దుకావు ప్రకృతి పంచ బంధాలు