రచన,స్వరకల్పన&గానం:డా.రాఖీ

కరోనా కనుమరుగైతే శుభోదయం

భరోసా బ్రతుకు పట్ల కలిగితే శుభోదయం

జనులంతా జాగ్రత్తలు పాటిస్తే శుభోదయం

అవనియంత ఆరోగ్యమయమైతే శుభోదయం

1.పార్టీలు పదవులనక ప్రజాశ్రేయమెంచితే శుభోదయం

రోజువారి కూలీలకు చేతినిండ పనిదొరికితె శుభోదయం

సరకులలో కల్తీలేక ఆహారం లభియిస్తే శుభోదయం

ఏ లంచం ఇవ్వకున్నా ఆఫీసు పనులైతే శుభోదయం

చక్కని పుస్తక మొక్కటి చదివితె మిక్కిలిగా అది శుభోదయం

2.నిర్భయంగ ఆడవారు ఉద్యోగం చేసొస్తే శుభోదయం

అత్యాశకు పోకుండా మోసాల పాలవకుంటే శుభోదయం

చిన్ననాటి మిత్రులంత అనుభూతులు నెమరేస్తే శుభోదయం

వేచిచూచు లబ్దియేదో ఆపూటనె అందుతుంటె శుభోదయం

మోవిపైన చిరునవ్వు విరిసిన ప్రతి ఉదయం శుభోదయం