https://youtu.be/12Zhak2mZ3Y

 రచన,స్వరకల్పన:డా.రాఖీ

సంగీతం,గానం:లక్ష్మణ సాయి

ఏ కానుకలందీయను ఎంత ఘనంగా జరుపను

మాకతిముఖ్యమైన పండగ నీ పుట్టిన రోజును

ప్రేమమీర ప్రకల్పించు నీ జన్మదిన వేడుకను

"హ్యాప్పీ బర్త్ డే టూ యూ హరీష్ భరద్వాజ

విష్ యూ హాప్పీ బర్త్ డేటూయూ మా యువరాజ"

1.వెలిగిస్తాము  మాచూపుల దీపాలను

దిద్దేస్తాము నుదుటన మురిపాల తిలకమును

తలను చల్లెదము మా దీవెనాక్షంతలను

ఆశీర్వదించేము వర్ధిలగ ఆయురారోగ్యాలను

2.కన్నుల నిను నిలిపేము మా కనుపాపగ

ఎదలోన నింపేము అనురాగపు రూపుగ

తోడుగ నీడగ నీతో నడిచేము నీకు కాపుగ

నువు వృద్దిచెందాలి భవితన తోపులకే తోపుగ

3.ముక్కోటి దేవతలు నిలవనీ నీ అండగా

కొండగట్టు హనుమ నిన్ను కరుణించనీ మెండుగ

ధర్మపురి నరహరి దయగననీ నిను దండిగ

సిద్దీశుడు సోదరునిగ ఎంచనీ నిను తన గుండెగ

మా అబ్బాయి జన్మదిన సందర్భంగా తమ శుభాశీస్సులందజేసిన పెద్దలకు,మిత్రులకు మా హరీష్ భరద్వాజ నమస్సులు!

నా కృతజ్ఞతాభివందనములు..💐😊🌹🙏