https://youtu.be/MNmQUwYHiqU?si=8Qowh8geXTBNdYd_

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:శహనా 

అలా చూస్తుండి పోయా-శిలా ప్రతిమనై

కోలుకోలేకపోయా నే మంత్ర ముగ్ధుడనై

ఏమందం నీఅందం ప్రస్తుతించగా అందం

నీ తనువున అణువణువూ పారిజాత సుమగంధం

1. ముక్కు ఒక్కటే నా గుండెను నొక్కేయసాగే

చూపపుడే సూటిగ ఎదపై  తూపులు వేయసాగే

అరనవ్వేమో నన్నుక్కిరిబిక్కిరి చేయసాగే

ఎక్కడ నిలపాలో నాదృష్టి తికమకపడసాగే

2.పండునిమ్మవంటి మేను వెన్నెలగా తోచే

పట్టులాంటి నీ దేహం ముట్టుకొనగ తొందరించే 

కలలోనైనా నా మనసు కలయిక నాశించే 

అద్వైత స్థితి గురించి జీవితమే పరితపించె