రచన,స్వరకల్పన&గానం:డా.రాఖీ
పదహారణాల అసలు సిసలు తెలుగుదనం
పదహారు ప్రాయాన మిసిమి మిసల పడుచుదనం
తెలుగింటి అమ్మాయి సంక్రాంతి సన్నాయి
కంటికింపు మనవారికి కంటగింపు పరులందరికి
1.పొడుగాటి నాగంటి వాలుజడ
నప్పేటి జడకుప్పెలు ఊగాడ
జఘన మృదంగంమీద
లయవిన్యాస విలాసమాడ
కుర్రకారు గుండెల్లో దడ దడ
మావయ్యలు సైతం తడబడ
2.చారడేసి కన్నుల్లో కలువల జాడ
నిగారింపు బుగ్గలే పెరుగు ఆవడ
తేనెపట్టు గుర్తొచ్చే పెదవులు చూడ
గుట్టు బట్టబయలవుతూ చోలి కడ
పట్టుదలే పట్టుతప్పే పట్టు పావడ
మువ్వల పట్టీలతో జవ్వని తిరుగాడ
No comments:
Post a Comment