https://youtu.be/QOQ6b-AJr0g?si=bxLf4f4LdcXQctqu

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:ఖరహర ప్రియ

అంతరించనీ నను తరించనీ  అంతకహరుడా
అవతరించనీ నీ పదపీఠిగ నీలకంఠుడా
వివరించనీ నా వెతలను త్రిపురాంతకుడా
సవరించరా నా గతులను సదానందుడా
శంభో హరా శంకరా సాంబసదాశివ అభయంకరా

1.తోసితివి నను భవసాగర తోయముల
వేసితివి చిక్కుల చిక్కెడు బంధనముల
మరచితివి కనికరమేలనో ఈ దీనుని ఎడల
చూసితివి చోద్యము   నే మునుగ సుడుల
శంభో హరా శంకరా సాంబసదాశివ అభయంకరా

2.జాగిక సేయకు జాలిమాని  జాబిలితాల్పుడ
జటాఝూటధర జగడమ నాతో జంగమదేవర
జలధార ప్రియ జపమిక చేయుదు ఫాలనేత్రుడా
జింకతాల్పరి నా వంకలెంచకురు జయంతుడా
శంభో హరా శంకరా సాంబసదాశివ అభయంకరా