రచన,స్వరకల్పన&గానం:డా.రాఖీ

ఎంత సొబగు నీది నువు పాలరాతి శిల్పమే

ఎంత సొగసు నీది తూచితే అనల్పమే

ఎదుటికొచ్చి నిలిచిన కవి కల్పనవే

కనులకు మిరుమిట్లుగొలుపు సౌదామినివే

1.ప్రాగ్దిశ గళాన అరుణ స్వరానివే

పూరెక్కన ప్రత్యూషపు తుషారానివే

పూనికతో కూర్చిన మౌక్తిక హారానివే

అయాచితంగ నా కందిన అమరవరానివే

2.అపరాణ్ణమందున పూర్ణ వటచ్ఛాయవే

 మీరిన తపనలకై మలయ సమీరమీవే

బీడును పులకింపజేయు దివిజలధారవే

హాయిగొలుపు పికగానపు పూలకారువే