రచన,స్వరకల్పన&గానం:డా.రాఖీ

అభిసారికవో అభినవ రాధికవో

రసమయ నవ గీతికవో మదనుని సుమ వేదికవో

విరహవేదనతొ గుమ్మమానుకొని వేచితివో

మధుర కలయికల ఊహచేసుకొని సైచితివో

1.జాము గడచినా జాడలేని ప్రియుడి చింతన

జాలిమాని ఆ జాబిలేలనో తారకల చెంతన

జన్నమాయే నీ మేని సెగలతో వాడ వేడినొందె

జంగమయ్య జగదంబ మెదల మనసు కలత చెందె

2. మరుమల్లెలే ఉరులోసినా కురులకందమిచ్చె

నీ గాజులే విదిలించినా మంజులమై రవళించే

ఉక్కబోసి తడిసిన రవికె మత్తును మరిపెంచే

జారుతున్న పయ్యెద సైతం జావళీలు ఆలపించె