రచన,స్వరకల్పన&గానం:డా.రాఖీ
రాగం:చారుకేశి
నీ ముక్కుపోగు నన్ను ముగ్గులోకి లాగు
నీ కలువ కళ్ళు నన్ను కదలనీవెలాగు
నీకొంటె నవ్వు నన్ను వెంబడించి సాగు
ఇక నీ ఆరాధన అనుక్షణం కొనసాగు
ఈ కవి తలలో నీవే నా కవితలలో నీవే
నా జతగా చేరిపోవె నా జీవితమీవె కావె
1.మధువలవాటు లేదు మత్తులో ముంచావే
ఒరులను నేనెరుగను కొంగున ముడివేసావే
రేయిలేదు పగలు లేదు ఎప్పుడూ నీధ్యాసే
కవితా నా కవిత యంటు సదా నీ ధ్యానమే
ఈ కవి తలలో నీవే నా కవితలలో నీవే
నా జతగా చేరిపోవె నా జీవితమీవె కావె
2.గులాబీల రెక్కలే నీ లేలేత పెదాలు
తమలపాకు తీరేలే చిగురంటి పాదాలు
ఎక్కడ ముద్దిడినా మధురాతి మధురాలు
హద్దులు దాటించగలుగు నీ మేని సోయగాలు
ఈ కవి తలలో నీవే నా కవితలలో నీవే
నా జతగా చేరిపోవే నా జీవిత మీవె కావె
No comments:
Post a Comment