రచన,స్వరకల్పన&గానం:డా.రాఖీ
చూడనీ నను చూడనీ నిను చూడనీ కడతేరనీ
పాడనీ నీ మిసిమి పొగడనీ,నను తరించనీ
మాటాడనీ నను మది తెలుపనీ స్నేహించనీ
తోడవనీ ననునీ నీడవనీ నిను విడువక జీవించనీ
1.చందమామలా నీ మోముని
మిలమిల నక్షత్రాలు నీ నేత్రాలని
కోటేరు సూటి నీ ముక్కెర ముక్కని
పెదాలు పిండుకొనే తేనె తెట్టెలని
ఊహించుకొన్నాను కలలెన్నొ కన్నాను
ఊహ వాస్తవంగా చేయనెంచవే
కలలు నిజం చేయగా కనిపించవే
2.చూపు మరలనీయని నీరూపుని
మధురతరమైన నీ మాట తీరుని
మనోహరమైన నీ చిరునవ్వుని
మెరుపుతీగ వంటి నీ హొయలుని
చిత్రించుకొన్నాను ఆత్రంగ ఉన్నాను
సజీవంగ మారనీ నామనో చిత్రమే
వరమై వరించనీ నా మదిలోని ఆత్రమే
No comments:
Post a Comment