రచన,స్వరకల్పన&గానం:డా.రాఖీ
చెఱకు గడవు నీవు ఎటుతిన్నా తీయదనమె
ఇంద్ర ధనువు నీవు ఎటుకన్నా ప్రన్నదనమె
వర్ష ఋతువు నీవు పుడమంతా పచ్చదనమె
హేమంత ఉషస్సువు తనువంతా వెచ్చదనమె
కవిలోని చైతన్యము పిక మంజుల గీతము
నీవే నీవే ప్రియతమా నీవే నీవే
1.తెలుగు మాట నీవు అగుపించును తేటదనం
బ్రతుకు బాట నీవు తలపించును నందనం
వలపు తోట నీవు మేను విరుల సవరదనం
ప్రగతి మీట నీవు నా మనోరథ ప్రచోదనం
కవిలోని చైతన్యము పిక మంజుల గీతము
నీవే నీవే ప్రియతమా నీవే నీవే
2. అంతులేని ప్రేమ నీవు నీతోనే జీవనం
అనవరతం నీ సన్నిధి అపర బృందావనం
ఆహ్లాదము నీ తలపే అది కమ్మని భావనం
అపురూపము మనకలయిక ఇల కడు పావనం
కవిలోని చైతన్యము పిక మంజుల గీతము
నీవే నీవే ప్రియతమా నీవే నీవే
No comments:
Post a Comment