రచన,స్వరకల్పన&గానం:డా.రాఖీ
శుక్రవార శుభలక్ష్మి
చక్రధారి గృహలక్ష్మి
స్వాగతమమ్మ నీకు ఆరోగ్యలక్ష్మి
వందనమమ్మ నీకు ఆనందలక్ష్మి
1.వక్ర బుద్ధి మాకెవరికి కలగనీయకమ్మా
అక్రమార్జన కెపుడు మాకు తావీయకమ్మా
తృణమో ఫణమో పంచే గుణమీయవమ్మా
ఉన్నంతలొ జీవించే తృప్తి నీయవమ్మా
2.చిరునవ్వును పెదవులపై చెరగనీయకమ్మా
బంధుమిత్రులే సిరులను భావమీయవమ్మా
ప్రకృతితో చెలిమి జేయు వరమీయవమ్మా
నీ ఆకృతి మా మదిలో చెదరనీయకమ్మా
No comments:
Post a Comment