రచన,స్వరకల్పన&గానం:డా.రాఖీ

సుప్రభాతం మిత్రమా

పలుకు తేనియ లొలికే ప్రియతమా

రాతిరంతా కలకు రావు

పగటిపూటా పట్టించుకోవు

నన్ను మరువకు ఎన్నడు నేస్తమా

నన్ను వదలకు ఎప్పుడు హృదయమా

1.కోవెల గంటల మంజుల నాదానివై

కోయిల కుహుకుహు మంజుల రావానివై

కోనేటి అలల మృదంగ మంజుల వాదానివై

కొత్తపెళ్ళికూతురి మంజీర మంజుల స్వానానివై

శ్రవణాల మురిపించావు హాయిచేకూర్చగా

మది రంజిలజేసావు మనసునే దోచగా

2.తరువు ఊగ ఆకుల గలగలల మంజుల రవళివై

నదిలొ పారు జలధార జలజలల మంజుల క్వణమువై

వెదురుపొదల గాలివేసే ఈలల మంజుల పదరువై

నరనరాలు పులకరించు గాజుల మంజుల సవ్వడివై

నా ఎదనలరించావు ఆహ్లాద మొనరించగా

జీవ రసితమైనావు జాగృత పర్చగా