రచన,స్వరకల్పన&గానం:డా.రాఖీ
భావానికి అక్షరాల రేపర్ చుట్టి
పొందికైన పదాలతో రిబ్బన్ కట్టి
అందించా కానుకగా నామనసట్టిపెట్టి
ఉంచుకో ఎప్పటికీ గుండెలో నను దాపెట్టి
1.నిను గెలిచానే ప్రేమనే ఉట్టికొట్టి
నడవాలి ఏడడుగులు నా జతకట్టి
అడుగెట్టు నా ఎదలో మెట్టెల కుడి పాదమెట్టి
అధికారమిచ్చా నడిపించు నను గాడిలొ పెట్టి
2.ఆంక్షలే పెట్టుగాని ముంచకు నా పుట్టి
నీకోసం నీకోసం ప్రతిసారీ నే పుట్టి
జన్మలెన్ని ఎత్తినా వదలను నిను చేపట్టి
సేవించనీ నను హాయినీ స్వర్గాలు చూపెట్టి
No comments:
Post a Comment