రచన,స్వరకల్పన&గానం:డా.రాఖీ

నందనవని నీ మానసం -నిన్న ఎంత సుందరం

సుడిగాలి చెలరేగి-నేడు చిందరవందరం

వివిధ వర్ణ విరి శోభితం-నీమది ప్రశాంతమౌ వసంతం

భీభత్సపు వానలు ముంచగ-మోడుబారి ఇపుడో శిశిరం

1.పలుకులు తలపించె నాడు-మెలికలతొ పారే సెలయేళ్ళు 

నవ్వుల్ని రువ్వితె చాలు-ఎదలొ దుముకు జలపాతాలు

నీ మౌనమిపుడాయే గాంభీర్య గౌతమి

నీ హృదయమనిపించే అగాధాల జలధి

2.నీ కనులు కురిపించేను పగలైనా వెన్నెలలు

నీ చెలిమి అలరించేను తొలగించ వేదనలు

మూగవోయింది వీణ తీగలే తెగిపోయి

రాగాలు మరిచింది నలుగురిపై గురిపోయి