రచన,స్వరకల్పన&గానం:డా.రాఖీ

రాగం:నీలాంబరి

కోపముంటే కొట్టూ తిట్టూ

కినుక కలిగితె పీకను పట్టు

మాటలాడక చేయకు బెట్టు

నొప్పించను నిన్నిక ఒట్టు

చింతించనేల తీవ్రాతి తీవ్రంగా

మంత్రించనేల భవిత శూన్యంగా

1.అంతగా  బాధించానా

ఎదలొ కత్తులు దించానా

మత్తుమందుపెట్టి  మైకంలో ముంచానా

మాయమాటలే చెప్పి నిన్ను వంచించానా

చింతించనేల తీవ్రాతి తీవ్రంగా

దూషించనేల బ్రతుకు నాశంగా

2.నీ గాథనంతా జీర్ణించుకున్నాను

ఆవేదనంతా నే పంచుకున్నాను

కొనసాగలేమా శ్రేయోభిలాషులుగా

మన వ్యాపకాలే ఊపిరులవగా

చింతించనేల తీవ్రాతి తీవ్రంగా

శపియించనేల చితిని పేర్చంగా

FOR audio.. ping un whatsapp