చెప్పారు ఎందరో-స్నేహితానికి నిర్వచనం
అనుభూతి చెందారు మైత్రిలోని మాధుర్యం
సృష్టిలోనే తీయనిది స్నేహమన్నది
చెలిమిని మించి ఏమున్నది పెన్నిధి
1.నీకు తెలియని కోణాలెన్నో నీలో లోలో
నీవు చూడని పార్శ్వాలెన్నో నీ వ్యక్తిత్వంలో
ఏ అద్దమైనా-చూపలేని నీ ప్రతిరూపం-చూపే దీపం సౌరభం
దిద్దుబాటుకోసం-నీలోని ప్రతి లోపం-తెలిపే కటకం నేస్తము
2. పరకాయ ప్రవేశం చేస్తుంది నీలోకి నేర్పుగా
పరసువేదితో పసిడిని చేస్తుంది నిన్ను ఓర్పుగా
నీ నుండి విడివడిన-ఆ రెండో నీవే-నీ మిత్రుడు చిత్రంగా
శ్రేయస్సును కూర్చే-ఏకైక లక్ష్యమే-మైత్రికి తగు సూత్రంగా
No comments:
Post a Comment