అక్షరాలతోనే సచ్చిదానందాలు

పదాల పోహణింపులో ఆహ్లాదాలు

భావాలు కవితలైతే తనివి దీరి మోదాలు

కల్పనాలోకంలోనే పండుగలు పర్వదినాలు

1.విడివడుతూ ఉన్నాయి ఇలలోని ముడులన్నీ

సడలుతూ ఉన్నాయీ సంసార బంధాలన్నీ

కర్తవ్య పాలన కొరకే కాలాన్ని కరిగించేది

విద్యుక్త ధర్మానికే కట్టుబడుతు జీవించేది

2.మురిసి పోవడానికీ గతమించుక మిగిలుంది

సేద దీరడానికి గీతమక్కున జేర్చుకుంది

సాంత్వననే పొందడానికి మిథ్యాజగత్తొకటుంది

చేదు నిజం మరిపించేలా గమ్మత్తులొ ముంచుతుంది