రచన,స్వరకల్పన&గానం:డా.రాఖీ

గుండెలోన గుచ్చుకుంది గులాబి ముల్లు

మనసు నిండిపోయేలా కురిసింది ప్రేమ జల్లు

లేలేత పెదాలే రెక్కలుగా నవ్వు పువ్వు విచ్చుకుంది

అప్సరసల అందాలను అంగాంగం పుణికి పుచ్చుకుంది

1.వసంత వన్నెలనే వలపన్నింది

కోయిల తానై పాటే వలపనింది

మనసునే మల్లెమాలగా మార్చి నా ఎద నలరించింది

పలుకుల తేనెలనే వడ్డించి పసందైన విందుల నిచ్చింది

2.పంజరాన్ని వదిలేసి ముంగిట వాలింది

మంజుల గానాలతో రంజిలజేసింది

తాను నేను చెరిసగమౌ రంగుల చిత్రమొకటి గీసింది

మా ఇరువురి కాపురపు లోకానికి తలుపు మూసింది