https://youtu.be/FWBwDBM9I20?si=H5dwYo203iSfAapH

 రచన,స్వరకల్పన&గానం:డా.గొల్లపెల్లి రాంకిషన్(రాఖీ

రాగం : శ్యామ

పద చిత్రాల్లో పొదువుకుంటున్నా

ఎద లోతుల్లో నిన్నేలుకుంటున్నా

మధురానుభూతులే నెమరువేసుకుంటున్నా

మరల మరల చెలీ నీ కలయికనే కోరుకుంటున్నా

1.తూనీగ ఏదైనా నీమీద వాలిందా ఏమైనా చెప్పిందా

తారక ఒకటైనా  పలకరించి నవ్విందా నా మదిని విప్పిందా

నీ పదాలు తాకిన గోదారి నా పెదాలు తడిపింది

నీ కురులు మీటిన చిరుగాలి నా అలసట తీర్చింది

2. కోవెలలో దేవిని సైతం ఏ పూట కన్నా నీవేననుకుంటున్నా

కోనేటి నీటిలోనా కలువ రేకు నీకన్నానా అని మురిసిపోతున్నా

నీ కూనిరాగమేదో నా చెవిని గుసగుసలాడింది

నువు కలగను రసయోగమేదో నను తట్టిలేపింది