రచన,స్వరకల్పన&గానం:డా.రాఖీ
మరులు రేపుతున్నావే మధిరాక్షి
వలపు గెలుచుకున్నావే వనజాక్షి
మౌనమేలనే నా ఎడల మీనాక్షి
కరుణ జూడవేలనే నన్నిక కామాక్షి
నీ పాద దాసుడినై కొలవనా నిను జన్మజన్మలు
నీ ప్రియ భక్తుడనై కోరనా ఇహ పర సౌఖ్యములు
1.నీ నయనాలు దయాపారావతాలు
నీ అధరాలు మకరంద సరోవరాలు
నీ మందగమనాలు తలపించు ఐరావతాలు
నీ అందచందాలు అందగ ఆపాత మధురాలు
నీ పాద దాసుడినై కొలవనా నిను జన్మజన్మలు
నీ ప్రియ భక్తుడనై కోరనా ఇహ పర సౌఖ్యములు
2.నీ సన్నిధి మనగలిగిన మదికి పరవశాలు
ప్రసాదించవే మాతా సంగీత సాహితి కలశాలు
నలుదిక్కుల వ్యాపించిన నవమోహిని నీవె దిక్కు
పలుచిక్కులు తొలగించిన కైవల్యమె నాకు దక్కు
నీ పాద దాసుడినై కొలవనా నిను జన్మజన్మలు
నీ ప్రియ భక్తుడనై కోరనా ఇహ పర సౌఖ్యములు
No comments:
Post a Comment