రచన,స్వరకల్పన&గానం:డా.రాఖీ
శివమే నీవు విశ్వమే నీవు
జీవేశ్వరుడవు నాలో నీవు లేక శవమేనేను
భవమే నీవు అనుభవమే నీవు
ప్రాణేశ్వరుడవు నీవు లేక నిర్జీవ కాయంనేను
నేను అని పలికే ఈ నేనును సైతం నీవేను
నా నుండి నేను విడివడి నీవుగా మారేను
1.శివకేశవులొకటగు అద్వైతమైన ఆత్మను పరమాత్మను
శివపార్వతులొకటగు తత్వమైన సాంబసదాశివుడను
చరమును నేనే అచరమునేనే సకల జీవరాశిని నేనే
పంచేంద్రియముల పంచభూతములకధినేతను నేనే
నేను అని పలికే ఈ నేనును సైతం నీవేను
నా నుండి నేను విడివడి నీవుగా మారేను
2.మాయాకల్పితమైన ఈ సృష్టినాదే ఆ స్రష్టయు నేనే
ఆదిఅంతములేనిదైన కాలము నేనే కాలకాలుడ నేనే
పాలితుడను నేనే సర్వం సహా పరిపాలకుడనూ నేనే
వేదము నేనే మోదము నేనే నిర్వేదము ఖేదము నేనే
నేను అని పలికే ఈ నేనును సైతం నీవేను
నా నుండి నేను విడివడి నీవుగా మారేను
No comments:
Post a Comment