రచన,స్వరకల్పన&గానం:డా.రాఖీ
నీవే నడయాడే ఒక హరివిల్లు
నీ తనువున అణువణువున హోళీ ఆనవాళ్ళు
ఆపాదమస్తకం సప్తవర్ణ ప్రస్ఫుటమౌ గాజు పట్టకం
నఖశిఖ పర్యంతం వన్నెలు మార్చే కృకలాస సదృశం
1.విరబోసిన కురులలో ఒలికే నల్లదనం
చిరునవ్వున దంతాల మెరిసే తెల్లదనం
సిగ్గులొలుక బుగ్గలలో కురిసే ఎరుపుదనం
సిరిచందన ఛాయ చిలికె నీ సంవాహనం
2.నీ చేతి గాజులలో నిగారించె హరితము
పాదాల సంరక్షగ పరిఢవిల్లె హరిద్రము
వీనుల ఊగాడే బుట్టలదోగాడే ఉదావర్ణము
నయనాల కనుపాపల ద్యోతకమౌ నీలము
No comments:
Post a Comment