రచన,స్వరకల్పన&గానం:డా.రాఖీ
వంచనే వంచనైంది ప్రతి ఇంచునా ప్రపంచమంతా
ముంచడమే మించుతోంది కచ్చితంగా కుత్సితంగా
తలవంచనేల ఆత్మవంచనేల మంచిగా ప్రవర్తించినా
చింతించనేల స్వగతించనేల సత్యమే
ప్రవచించినా
1.ముక్కు పచ్చడైతే మాత్రమేంటి ముక్కుసూటి తనానికి
ఢక్కామొక్కీలు తిన్నా ఇష్టమేమరి
లెక్కచేయని గుణానికి
ఆశచావదు మోడుకైనా చినుకొస్తే చిగురించడానికి
తపన వీడదు బీడుకైనా తొలకరికి
పులకరించడానికి
2.వైఖరిని మార్చుకోనేల వ్యక్తిగా
అదే గుర్తింపుగా
ఒకరితో పోల్చుకోనేల తరతమాలుగా
నీవు నీవులా నీవుగా
శిఖరంలా నిలువుగ ఎదగడం స్వార్థమే అంతరార్థం
సంద్రంలా ఎద నదులను కలుపుకోవడం
సౌహార్దం
No comments:
Post a Comment