హారతి నేనే పట్టకుంటే-ఆపాటిదే నీ అందమంటే
పాటలె నేను కట్టకుంటే-అందరివంటిదే నీ ఒంటి మట్టే
సుందరాంగీ నను గానకుంటే నువు చుప్పనాతివే
మోహనాంగీ నన్నొప్పకుంటే నువ్వప్పలమ్మవే
1.మూలన పడిఉన్న బండరాయిని శిల్పంగ చెక్కానే
నిబిడీకృతమై నీలొ దాగి ఉన్న నగిషీలనెన్నో సానబట్టానే
గుండెను గుడిచేసి ప్రేమదేవిగ నిన్ను కూచొబెట్టానే
ముడుపులెన్నొగట్టి నీ ముందుపెట్టి జేజేలు కొట్టానే
2.రవిగాంచకున్నట్టి రాణ బైటపెట్టి కవితలెన్నొ నేను కట్టానే
ఎండ తగులకుండా చినుకు తడుపకుండ గొడుగు నీకు పట్టానే
కాలుకందకుండ లోకాలుతిప్పి నీకు చూపెట్టానే
ఎవరికందకుండ ఎత్తెంతొ ఎక్కించి నిన్నుగా నిలబెట్టానే
No comments:
Post a Comment